Psalms 97

God ia ra lia na Tena Varkurai

1Ra Luluai i ki na king; boina ba na gugu ra rakarakan a gunagunan;
A lavur gunan ra valian diat a ga.
2A umana bakut ma ra bobotoi i pulu bat ia;
A mangamangana takodo ma ra takodo na varkurai dir ra vunapai kana kiki na king.
3A iap i lua tana,
Ma i vaimur kana lavur ebar di tur kikilane.
4Kana lavut meme dia pu are ra rakarakan a gunagunan;
A gunagunan i gire, ma i dadadar.
5A umana lualuana dia polo da ra bulit na livur ta ra luaina mata i ra Luluai;
Ta ra luaina mata i ra Luluai kai ra rakarakan a gunagunan.

6A bala na bakut i vaarike kana mangamangana takodo,
Ma ra lavur vuna tarai dia gire kana minamar.
7Diat par dia torom ta ra umana tabataba diat a vavirvir;
Diat par dia langlang ta ra lavur god vakuku.
Avat a umana god par, avat a. lotu pirana.
8Sion i valongore, ma i gugu,
Ma ra umana natu i Iuda, a umana vavina, dia ga muka;
Ure kaum lavur varkurai, Luluai.
9Tago u, Luluai, u lia kakit ta ra rakarakan a gunagunan,
U ti ngala muka ta ra lavur god par.

10Avat ava mari ra Luluai avat a milikuane ra kaina;
I vaale bat ra nilaun kai kana umana tena lotu;
I valaun diat kan ra lima i ra umana tena varpiam.
11I keke are ra umana tena takodo,
Ma di vagugu diat i dovot ra bala i diat.
Avat a ga tai ra Luluai, avat a umana tena takodo;
Ma avat a pite pa ra lia na iangina.
12